Mrk.6:6b-13
Lia fuan atu hahu missa nia:
Aman maun alin sarani doben sira mak Maromak hadomi.
Semak laran la susar wainhira haruka ba fatin dook, no bando atu labele lori ho buat ruma.
Jesus bolu no haruka Nia Apostolo ho lia menon; "lalika lori ho buat ruma, maibe lori ho deit aitonka no bele tau sandailas." Ne mak konsekuencia vocação nia. Vocaão katak pronto atu haruka. No mos precisa entrega an. Nee katak ida nebe atu haruka ne´e (Ir. Mendes) husu atu husik buat hotu nebe mak importante liu ba nia precisa.
Ir. mendes, SSpS, katak irmã nebe husi estasão atocarbao nian, nebe dala uluk Maromak haruka, hodi servi fali iha misão Portugal. Loron ne katak irmã pronto ona atu haruka. Mai ita hotu fo agradece ba Maromak ba acontecimento fiar nian ba loron ohin. Tamba Maromak mak hili no haruka nia tan Ir. Mendes, Nai sempre acompanha nafatin nia. Maromak bele simu ita nia oração, mai ita haraik an husu perdão ba Nai.
Homilia husi Padre Ignas Mike, SVD
Maun alin sarani doben sira mak maromak hadomi,
molok atu lao ba rai missão nia, Beato Jose Frainademetz nudar primeiro missionari SVD nia nebe ho nia lia fuan ba dala ikus iha tempo despidida nia laran laran katak; "maun alin sira mak hau hadomi, Maromak hili ona ema sira kbiit laek atu sai Nia manu-ain; tamba Maromak nia domin rohan laek. Hau iha esperança bele hetan graça Maromak nia, nebe hau la soi atu simu graça nee. Husi Maromak nia diak nebe rohan laek, Maromak bibi atan santo diak nia bolu no convida hau atu hamutuk ho nia lao ba rai nebe dook atu acompanha nia nafatin hodi buka nia bibi sira nebe lakun dalan ohin hau sei halo los saida, maka ohin hau kaer no rein ia liman hodi dehan, "Nai, hare ba, hau mai no ha Abrão, hau sei husik hela hau nia rain moris fatin, familia hotu, no ba maun alin dobe sira, hau sei ba rai nebe Maromak hatudu ba hau".
Maluk doben sira mak hau hadomi iha Cristo
Ba Apostolo sira nebe Jesus hili ona sai Ninia eskolante nee katak; lao sai husi nia fatin atu lao ba fatin seluk. Ho ksolok boot sira ho aten brani hodi fo an ba mate. Ba Apostolo sira fiar katak sira lao iha Jesus nia mahan nafatin, no hodi bkiit tamba nee sira brani atu hasoru buat nebe mak atu acontece ba sira.
Iha Evangelho, Jesus bandu labele lori ha sasan barak, nee laos katak Jesus atu hamenus iha ema nian hahalok ba nia apostolo sira katak; atu labele sadere metin ba rico soin mundo nia, tamba ho realidade ida nee, katak ita ema dala barak buka adora ba sasan mundo nian, too taka matan ba nia-an rasik, hodi haluhan Maromak.
Ohin loron Mendes sei dehan, hau pronto ona atu lao ba rai missão. Nai haruka nia liu husi ulun SSpS nian, atu nia ba haklaken nai nia liafuan ba ema nebe kbiit laek sira.
Ir. Mendes maromak entrega ona sinal boot ida hodi haruka nia atu halao nia knar, no sai misionaria iha ebe deit.
Cruz nee todan duni, maibe tenki lori duni iha historia barak, iha tempo ksolok no terus nia laran, ó sei hetan, ema sei simu o laran diak, maibe dala ruma ema sei hakribit ó, ema sei dehan aat ó, nunee mos ema sei la simu, iha fatin hot-hotu iha acontecimento nebe~ó hetan iha ó nia moris nee, cruz sei sai dalan ksolok nian no terus nian. Mendes, kaer metin nafatin ó nia cruz missionária nebe nudar ó nia knar, katak Jesus nia Cruz.
Maun alin sira mak Cristo hadomi
"Nai, hau simu buat nebe, Nai haraik mai hau, tamba hau nian domin laiha rohan". Tamba hau nia Maromak fo hanoin katak; vocação nia significa boot no sempre fo resposta katak "Diak" Hau mak nee. Ho resposta diak nee, hau mak nee Nai, atu pronto ona atu servi ita boot hau pronto atu husik moris uluk nian, usa fali moris foun nia atu hakarak halao didiak knar nee.
Maromak nia precisa sei halo tuir buat tolu tuir mai nee:
1. Hasae-an
Oferece-an la esisi nia kolen, nee mak Jesus dehan katak; lalika lori buat ida, hodi deit mak aitonka, bele tau sandailas, maibe labele hatais faru rua.
Jesus haruka apostolo sira hodi husik hela buat hotu, nunee hanoin deit ba knaar hodi servi missão.
2. Fo liman ba malu hodi serviço hamutuk
Jesus haruka ona nia eskolant sira hodi laonain rua rua. Nia fo tempo ba nia eskolante sira, atu fo hatene no hatoo sira nia knar, iha moris hamutuk ho fo liman ba malu hodi ajuda malu.
3. Haraik-an ho laran
Jesus dehan, se karik ema simu ona imi iha fatin ou uma ida, imi hela iha neba hodi too imi foti ain atu hakat lao fali ba fatin seluk no se karik iha fatin seluk mak lakohi simu imi, no lakuhi rona imi nia hanorin, sai husi tiha iha fatin nee, hamos tiha rai ut nebe iha imi nia ain, nudar fo atenção boot ida ba sira". Jesus nia hanoin, nia hakarak katak, apostolo sira tenke simu duni situação nebe iha no laos deit atu obriga liu fali husi buat nebe ita bele hetan ho lian fuan tolu nee. Jesus husu ba apostolo sira atu sira nia missão ne bele lori lia kmanek. Hodi hafoun nafatin hanesan aifuan midar husi lian diak iha nebe deit.
Maun alin sarani doben sira
Loron ida nee iha sentidu especial ba ita comunidade Uatocarbao nia, halo ceremonia eukaristia hamutuk ho Ir. Mendes iha fatin santo nee hodi husik nia atu lao ba iha rai missão seluk (Portugal), atu halao nia knar, nudar servi nain, tamba nia pronto ona nia-an, hatan "diak" hau mak nee.
Mendes, ami comunidade Uatocarbao nia, ami fo deit ami nia ajuda oração ba ita, atu Maromak acompanha nafatin irmã nia serviço atu halekar liu tan, habelar liu tan nai nia Domin ba maun alin sira nebe precisa, sira nebe kbiit laek.
"NAI, HAU SIMU BUAT NEBE NAI HARAIK MAI HAU, TAMBA HAU NIA DOMIN BA NAI LAI ROHAN" Amen!
Pe. Ignas Mike, SVD
Sem comentários:
Enviar um comentário